Konferenco de la Akademio 2022
Okaze de la Zamenhof-festo, Akademianoj prezentis per Zoom konferencon pri diversaj temoj interesantaj kaj la Akademion kaj la ĝeneralan publikon. Unua tia konferenco de la Akademio okazis pasintjare, kaj ni planas fari el tiu nova maniero komuniki al la publiko ĉiujaran eventon. Ĝi okazis:
Merkredon, 14an de decembro, 2022, 14a – 15a40 UTC (15a – 16a40 laŭ mezeŭropa horo)
- Marc van Oostendorp: La interkonsento inter UEA kaj la Akademio pri KER-ekzamenoj
- Brian Moon: Kiuj fenomenoj en la nuna lingvo-uzo plej ĝenas min kiel kritikeman uzanton de la lingvo?
- Bak Giwan: Esperanto, ĉu eŭropa lingvo? Ĉu ankaŭ gramatike?
- François Lo Jacomo: “Por eviti, ke Esperanto disdialektiĝu…”
- Aleksandro Shlafer: La Akademio kaj la sorto de la litero ĥ
Ĵaŭdon, 15an de decembro 2022, 14a – 15a40 UTC (15a – 16a40 laŭ mezeŭropa horo)
- Renato Corsetti: Diglosio aŭ dutavola lingvo: ĉu beno aŭ malbeno por Esperanto?
- Kirilo Brosch: Esploroj pri interlingvistiko, kunlabore kun Sabine Fiedler
- Duncan Charters: Lingvouzo kaj interkultura komunikado: kiel ili rilatas?
- Grant Goodall: Esperanto kaj lingvistiko: pli ol cent jaroj da (mal)amikeco
- Carlo Minnaja: Proklamo de la Laŭro de la Akademio 2022
Ĉiuj registraĵoj estas spekteblaj ankaŭ ĉe la jena filmetaro en la jutubkanalo de la Akademio.
Bonan spektadon!
La estraro de la Akademio